Meteoglos - Glosario de termos meteorolóxicos

Tras cursar a licenciatura de Ciencias Físicas na Universidade Complutense de Madrid e especializarse en Física do Aire, orientou o seu labor profesional cara á comunicación e a divulgación meteorolóxica en distintos medios. Traballou como home do tempo en Antena 3 Televisión entre 1999 e 2003, e posteriormente comezou a colaborar no programa de Radio Nacional de España (RNE) “No es un día cualquiera”, con Pepa Fernández, onde estivo 15 tempadas seguidas (2004-2019) e segue na actualidade (desde 2022). A súa sección “El tiempo del tiempo” foi premiada cunha Mención de honra na edición de 2006 do certame “Ciencia en Acción”.

Na actualidade, compaxina o seu labor como meteorólogo de Meteored con colaboracións en RNE, COPE (é o home do tempo do veterano programa de información agraria “Agropopular”), La 2 de TVE (“La aventura del saber”, “Órbita Laika”) e outros medios. É un dos fundadores de ACOMET (Asociación de Comunicadores de Meteoroloxía) e actual vicesecretario da Xunta Directiva da AME (Asociación Meteorolóxica Española). Tamén participou na XXXI Campaña Antártica Española (2017-2018).

En 2022 recibiu un “Premio Especial #Ecólatras” dos concedidos por Ecovidrio ao colectivo dos homes e mulleres do tempo na XXIII edición dos seus Premios.

Desde 2013 é consultor da Organización Meteorolóxica Mundial. Imparte regularmente conferencias, participa en eventos de divulgación científica Naukas e publica artigos en revistas como “Muy Interesante”, onde actualmente se encarga da sección mensual “Claves climáticas”. Ha escrito ata a data (abril de 2023) 10 libros sobre o tempo e o clima. A súa páxina web persoal (www.divulgameteo.es) é un dos portais de referencia de Meteoroloxía en Internet. En redes sociais é @Divulgameteo.