tormenta

Caixón de xastre onde teñen cabida varios fenómenos meteorolóxicos de distinta natureza e escala. Aínda que o máis común é identificar o termo coa tormenta eléctrica, tamén se emprega como sinónimo de temporal, borrasca ou tempestade. Isto último é consecuencia de traducir o termo inglés storm como tormenta, e introduce algo de confusión no léxico meteorolóxico en español. Por exemplo, unha tormenta tropical (tropical storm) non é unha tormenta eléctrica do ámbito tropical, como pode chegar a pensarse. Pasa algo parecido coa tormenta de area (sand storm) e a de po (dust storm), que non deben tomarse por distintos tipos de tormentas eléctricas. A palabra «tormenta» é o plural neutro do termo latino tormentum (tormento, tortura), que na Idade Media comezou a identificarse cos temporais, dadas as desgrazas e destrozos que provocaban ao seu paso.