sarabiada / sarabiar

Precipitación de sarabia. Nas sarabiadas, tanto a cantidade, como o tamaño e a forma das pedras de sarabia é moi variable. Nas máis intensas pódese chegar a formar sobre o chan unha capa de varios decímetros de espesor, sendo tamén habitual que caian pedras de sarabia de grande calibre. Eses pedrazos están formados por conglomerados de varias pedras de sarabia, que previamente chocaron entre si, de forma violenta, dentro da nube de tormenta, fusionándose e dando lugar a bloques de xeo irregulares.