compostos orgánicos volátiles (COV)

Conxunto de substancias químicas de orixe orgánica que se caracterizan pola súa gran volatilidade. Inclúe a todos os hidrocarburos que están en estado gasoso a temperatura ambiente (en condicións normais) ou que rapidamente pasan de líquido a gas. Hai inventariadas máis dun millar destas substancias contaminantes e están distribuídas por toda a Terra, en lugares tan remotos como a Antártida, as profundidades mariñas, as selvas tropicais ou en alta montaña.