reventón

Intensa corrente descendente de aire orixinada no seo dun cumulonimbo (nube de tormenta), que ao impactar con violencia contra o chan e expandirse cara aos lados -en todas as direccións- xera ventos moi intensos, de consecuencias devastadoras. Hai catalogados tres tipos de reventóns: 1) reventón cálido, que é aquel que provoca un notable quecemento do aire e un acusado descenso da humidade ambiental xunto á superficie terrestre; 2) reventón húmido, chamado así porque vén acompañado de precipitación (chuvascos tormentosos). O arrastre de aire frío por parte das pingas de auga e/ou pedras de sarabia na súa caída, é a principal causa xeradora da corrente descendente; e 3) reventón seco, sen precipitación. Neste último caso, a choiva, neve ou sarabia evapórase/sublima antes de chegar ao chan.