ខ្មោចប្រ៊ក់ខិន

បាតុភូតអុបទិកមួយ ដែលមានការលាតសន្ធឹងនៃស្រមោលរបស់វត្ថុមួយ ដែលជាធម្មតាជាស្រមោលរបស់អ្នកសង្កេតខ្លួនឯង ក្នុងទិសផ្ទុយពីព្រះអាទិត្យ លើសមុទ្រពពក។ ភាគច្រើនបំផុត គ្រែពពកនោះជាកំពូលនៃអ័ព្ទ ឬនៃពពកស្ត្រាតុសដែលស្ថិតខ្ពស់ជាងដីបន្តិច។ ជាញឹកញាប់ ផ្នែកខាងលើនៃស្រមោលមនុស្សដែលបង្កើតជាខ្មោចប្រ៊ក់ខិន លេចឡើងព័ទ្ធជុំវិញដោយរង្វង់ពន្លឺ (glory) ដែលធ្វើឱ្យបាតុភូតនេះមានផលប៉ះពាល់ដែលមើលឃើញខ្លាំង។ វាទទួលឈ្មោះពីកំពូលខ្ពស់បំផុតនៃភ្នំ Harz នៅប្រទេសអាល្លឺម៉ង់ ដែលមានកម្ពស់ 1141 ម៉ែត្រ។ នៅទីនោះ ទេវវិទូ និងអ្នកវិទ្យាសាស្ត្រអាល្លឺម៉ង់ Johann Esaias Silberschalg (1721-1791) បានសង្កេតឃើញដោយភ្ញាក់ផ្អើលនូវខ្មោចប្រ៊ក់ខិនដែលកើតពីស្រមោលរបស់ខ្លួនគាត់ផ្ទាល់ ក្នុងការឡើងភ្នំមួយនៅឆ្នាំ 1780 ហើយបានទុកការពិពណ៌នាដំបូងបំផុតដែលគេស្គាល់អំពីបាតុភូតខាងលើ។