gases de efecto invernadoiro

Gases traza presentes na atmosfera, de orixe natural ou antrópica, que absorben e emiten, en determinadas lonxitudes de onda, parte da radiación emitida pola superficie terrestre, as nubes e a propia atmosfera, o que dá lugar ao efecto invernadoiro. Destacan entre eles os que se coñecen como primarios, que son o vapor de auga (H₂ O) -o máis abundante, pero de proporcións moi variables-, o dióxido de carbono (CO₂ ), o metano (CH₄ ), o óxido nitroso (NO₂ ) e o ozono (O₃ ). Á parte dos anteriores, existe unha longa lista de gases producidos exclusivamente polas actividades humanas, como os hidrofluorocarburos (HFC), perfluorocarburos (PFC) e o hexafluoruro de xofre (SF₆ ). Tanto a eficacia como a abundancia dos distintos gases de efecto invernadoiro varían moito duns a outros. Tamén presentan distintos tempos de permanencia na atmosfera.