ແກັສເຮືອນແກ້ວ

ແກັສຈຳນວນນ້ອຍທີ່ມີຢູ່ໃນບັນຍາກາດ ທັງທີ່ມີຕົ້ນກຳເນີດຕາມທຳມະຊາດ ຫຼື ຈາກກິດຈະກຳຂອງມະນຸດ ເຊິ່ງດູດຊຶມ ແລະ ປ່ອຍອອກ ທີ່ຄວາມຍາວຄື້ນບາງຄ່າ ສ່ວນໜຶ່ງຂອງລັງສີທີ່ປ່ອຍຈາກພື້ນຜິວໂລກ, ເມກ ແລະ ບັນຍາກາດເອງ ເຮັດໃຫ້ເກີດປະກົດການເຮືອນແກ້ວ. ທີ່ເດັ່ນໃນບັນດາແກັສເຫຼົ່ານັ້ນແມ່ນແກັສທີ່ເອີ້ນວ່າແກັສຫຼັກ ຄື ໄອນ້ຳ (H2 O) - ທີ່ມີຫຼາຍທີ່ສຸດ ແຕ່ມີສັດສ່ວນປ່ຽນແປງສູງ -, ຄາບອນໄດອອກໄຊ (CO2), ມີເທນ (CH4), ໄນຕຣັສອອກໄຊ (NO2) ແລະ ໂອໂຊນ (O3). ນອກຈາກທີ່ກ່າວມາຂ້າງເທິງ ຍັງມີລາຍຊື່ແກັສຍາວທີ່ຜະລິດຂຶ້ນສະເພາະຈາກກິດຈະກຳຂອງມະນຸດ ເຊັ່ນ ໄຮໂດຣຟລູໂອໂຣຄາບອນ (HFCs), ເປີຟລູໂອໂຣຄາບອນ (PFCs) ແລະ ຊັນຟູເຮັກຊາຟລູໂອໄຣດ໌ (SF6). ທັງປະສິດທິພາບ ແລະ ຄວາມອຸດົມສົມບູນຂອງແກັສເຮືອນແກ້ວຊະນິດຕ່າງໆ ແຕກຕ່າງກັນຫຼາຍ. ພວກມັນຍັງມີເວລາຄົງຢູ່ໃນບັນຍາກາດທີ່ແຕກຕ່າງກັນ.

ຄຳສັບທີ່ກ່ຽວຂ້ອງ: ຜົນກະທົບເຮືອນແກ້ວ