escala Douglas

Escala numérica que clasifica de 0 a 9 os distintos estados do mar, en función do tamaño das ondas. Foi creada polo vicealmirante inglés Sir Henry Percy Douglas (1876-1939) en 1919, durante a etapa en que dirixiu o Servizo Hidrográfico da Mariña Real Británica. No extremo inferior da escala, o grao 0 correspóndese cun mar chan ou en calma, no que non hai ondas. No superior, o grao 9 correspóndese cun mar enorme (sic), con ondas de máis de 14 metros.