Өгөгдлийн ассимиляци
Тоон прогнозын загварыг ажиллуулахад хийгддэг анхны процесс бөгөөд загварыг бүрдүүлэгч цаг уурын янз бүрийн хувьсагчдын анхны талбаруудыг тодорхойлж, хамгийн сайн эхлэлийн шинжилгээг гаргахаас бүрдэнэ. Асар их математик тооцоолол шаарддаг вариацын аргуудаар загварын анхны төлөвийг (тор цэг бүрд оноогдсон өгөгдөл) байгаа ажиглалтууд (өөр өөр төрлийн, дэлхий дээр жигд бус тархсан) болон өмнөх ажиллагааны загварын таамгуудаас тогтоодог. Өгөгдлийн ассимиляци нь агаар мандлын ерөнхий эргэлтийн загваруудыг ажиллуулах үүрэгтэй хүчирхэг компьютерууд тооцооллын хамгийн их хугацааг зарцуулдаг процесс юм.