Фронт

Зона на раздвојување помеѓу две воздушни маси, со изразено динамичен карактер, во која обично се формира облачна структура, издолжена и тесна, која по правило остава врнежи по својот премин. Фронтовите се поврзани со системите на низок притисок што патуваат низ средните географски широчини. На изобарните карти на кои се означени, секоја дебела линија што претставува еден од нив ја означува зоната на пресек на дадена фронтална површина со површината на Земјата. Иако строго гледано фронтот не е исто што и споменатата фронтална површина, вообичаено е двата поима да се третираат како еден. Како општо правило, фронтот во движење го добива името што одговара на воздушната маса што се поместува: студен фронт и топол фронт. Теоријата што ја објаснува нивната формација и животниот циклус на екстратропските циклони што ги создаваат ја развил во втората деценија на 20 век Јакоб Бјеркнес (1897-1975), во соработка со неговиот татко Вилхелм [Бјеркнес] (1862-1951). Го добил името „фронт“ од воениот јазик, поврзувајќи го неговиот изглед со оној на фронтовските линии на војниците во битките од Првата светска војна.