seiche(s)

Ondas estacionarias que se producen sobre a superficie dun lago ou do mar, cuxa orixe poden ser pequenos movementos sísmicos, ventos fortes ou variacións bruscas da presión atmosférica. Este fenómeno ondulatorio foi estudado por primeira vez no lago Léman, en 1890, polo hidrólogo suízo François-Alphonse Forel (1841-1912). O período de oscilación pode variar desde uns minutos ata varias horas. As seiches prodúcense con certa regularidade nas costas do Mediterráneo Occidental, destacando pola súa magnitude as do porto de Ciutadella, en Menorca, onde se coñecen como rissagues ( rissaga ).