iridiscencia

Fenómeno óptico consistente nun conxunto de cores que aparecen en nubes altas e medias situadas a pouca distancia angular do sol. Débese, na maioría dos casos, á difracción da luz. Pode manifestarse coas cores entremesturadas ou formando bandas case paralelas aos contornos nubosos, nas que dominan as cores pastel verde e rosa. A cercanía do disco solar (a fonte de luz) ás nubes con irisacións dificulta a súa observación. O uso duns lentes con cristais polarizados permite aprecialas con nitidez.