gregal

Nome que recibe o vento forte, frío e seco do nordeste no Mediterráneo Central e Occidental. Na rosa náutica empregada nese ámbito xeográfico, queda situado entre a tramontana (vento do norte) e o levante (vento do leste). Os antigos navegantes a vela que desde as costas mediterráneas españolas se dirixían cara ao leste, comezaron a utilizar este nome para referirse ao vento que parecía proceder de Grecia. Dependendo dos lugares, exprésase desta forma ou doutras como gragal, gargal, guergal, grecale ou gregau.