foehn

Variante do termo alemán föhn que, do mesmo xeito que el, dá nome a un coñecido efecto moi estudado en Meteoroloxía, así como ao vento catabático recalentado, seco e turbulento asociado a el. A primeira explicación científica satisfactoria do fenómeno remóntase ao ano 1866 e débese ao meteorólogo austríaco Julius von Hann (1839-1921), que o estudou en detalle nos Alpes. Ata ese momento, tíñase a falsa crenza de que a súa orixe era sahariana. O foehn non é exclusivo da rexión alpina, e prodúcese tamén en moitas outras rexións montañosas do mundo. Dependendo do lugar, recibe distintas denominacións locais, tales como poniente (litoral mediterráneo español), chinook (Montañas Rochosas), zonda (Arxentina) ou Canterbury North­ western (Nova Celandia), entre outras.