difusión

Proceso físico que ten lugar no seo dun fluído, mediante o cal se propaga unha determinada propiedade deste, ou unha cantidade de partículas materiais contidas nel. Prodúcese tanto a nivel molecular como a través dos movementos turbulentos, de diferentes escalas, tal e como ocorre na atmosfera (difusión turbulenta). O termo tamén se utiliza en referencia ao proceso que resulta da interacción da radiación electromagnética coas moléculas do medio material que atravesa (por exemplo, a luz solar na atmosfera), o que máis comunmente se expresa como dispersión.