Día Meteorolóxico Mundial (DMM)

Día que se celebra o 23 de marzo de cada ano e que conmemora a entrada en vigor -o 23 de marzo de 1950- do convenio polo que se creou a Organización Meteorolóxica Mundial (OMM). Ao estar integrada por máis de 180 países, os actos de celebración teñen lugar practicamente en todo o mundo, e consisten nun gran número de actividades, tales como simposios, conferencias, actos de homenaxe ou exposicións, dirixidas tanto aos profesionais da Meteoroloxía como ao público en xeral. A OMM elixe cada ano un lema co que quere chamar a atención sobre un asunto de interese xeral ligado ao tempo ou ao clima.