magnetosfera

Atmosferaren kanpoko aldetik (ionizatutik) espaziorantz hedatzen den eskualdea, Lur osoa inguratzen duena eta eguzki-haizea osatzen duten karga elektriko oso energetikoen aurkako babes-ezkutu bat eratzen duena. Lurraren eremu magnetikoak partikula-fluxu hori polo magnetikoetarantz desbideratzen du, eta bien arteko elkarrekintza eguzkiari begira dagoen lurrazaletik 100.000 kilometro ingurura gertatzen da, magnetopausa izenekoan. Magnetosfera ez da Lurraren esklusiboa, izan ere, eremu magnetikoa duten Eguzki Sistemako beste planeta batzuek ere badute.