quyosh doimiysi

Vaqt birligida nurlanish oqimiga perpendikulyar va atmosferaning tashqi chegarasida joylashgan bir kvadrat metr yuzaga tushadigan quyosh radiatsiyasi miqdorini, Yer Quyoshdan oʻrtacha masofada (149,6 million kilometr) boʻlgan holatda hisoblash natijasida olinadigan nazariy son qiymati. Sunʼiy yoʻldosh oʻlchovlari quyosh energetik yoritilganligi vaqt oʻtishi bilan biroz oʻzgarishini tasdiqlaydi, shuning uchun mazkur «doimiy» aslida 1367 W/m2 ga teng oʻrtacha qiymatdir. Meteorologiyaga oid aksariyat matnlarda u S harfi bilan belgilanadi.