Tayfun

Ang karaniwang pangalang ibinibigay sa bagyong tropikal (tropical cyclone) na nabubuo sa kanlurang bahagi ng Hilagang Pasipiko. Kabilang sa mga tinitirhang lugar na paminsan-minsang naaapektuhan ng mga bagyo ang Japan, Pilipinas, Taiwan, ang mga baybayin ng Tsina, at Micronesia. Sa mitolohiyang Griyego, si Typhon ang huling anak ni Gaia (ang diyosang-ina ng Daigdig), na kanyang ipinanganak kasama si Tartarus (ang diyos ng kailaliman). Nagmula ang kanyang pangalan sa sinaunang Griyegong Typhos, na nangangahulugang "usok." Ang terminong ito - na na-Latinize bilang typhon - ay nakaimpluwensya naman sa isang salitang Persiano kung saan nagmula ang iba't ibang arkaikong anyo, kapwa sa Tsino (tai fung), at Urdu (t.ūfān), na siyang pinanggalingan ng pangalan ng penomenong meteorolohiko.