sublimación

Cambio de estado da materia, directamente de fase sólida a gasosa sen pasar pola líquida. O proceso inverso (paso de vapor a sólido) recibe o nome de sublimación inversa, aínda que en Meteoroloxía é común referirse a ambos os procesos -o directo e o inverso- como sublimación. A formación de xeada ou o crecemento dos cristais de xeo que forman a neve, son o resultado da sublimación de vapor de auga presente no aire.