ekaitza

Izaera eta eskala desberdineko hainbat fenomeno meteorologiko biltzen dituen termino zabala da. Ohikoena termino hori ekaitz elektrikoarekin identifikatzea bada ere, temporal, borrasca edo tempestade hitzen sinonimo gisa ere erabiltzen da gaztelaniaz. Azken hori ingelesezko storm terminoa tormenta gisa itzultzearen ondorioa da, eta nahasketa apur bat sortzen du gaztelaniazko hiztegi meteorologikoan. Adibidez, tormenta tropical batek (tropical storm) ez du esan nahi eremu tropikaleko ekaitz elektrikoa denik, pentsa daitekeen bezala. Antzeko zerbait gertatzen da harea-ekaitzarekin (sand storm) eta hauts-ekaitzarekin (dust storm), ez baitira ekaitz elektriko mota desberdintzat hartu behar. «Tormenta» hitza tormentum latinezko terminoaren (tormentua, tortura) plural neutroa da, eta Erdi Aroan temporalekin identifikatzen hasi zen, hauek beren pasadan eragiten zituzten zoritxarrak eta hondamenak zirela eta.