liña de turbonada

Banda estreita e alongada ao longo da cal se distribúe un conxunto de tormentas. O vento cambia bruscamente de dirección e aumenta de intensidade ao paso desta liña tormentosa non frontal, producíndose a referida turbonada. As máis severas veñen precedidas por un murallón nuboso de aspecto ameazante, que adopta a forma de rolo ( arcus ). Á parte dos violentos refachos de vento que se xeran, as tormentas deixan breves e intensos aguaceiros, acompañados moitas veces de sarabia.