radiación

Emisión, propagación e transferencia de enerxía en calquera medio, a través de ondas electromagnéticas (radiación electromagnética) ou de partículas subatómicas (radiación corpuscular). A maior parte da radiación que chega á Terra procede do sol, seguida da radiación cósmica, que aínda que é moi enerxética, provén de obxectos celestes moi afastados. Ambos os dous fluxos de enerxía radiante atravesan a atmosfera de arriba abaixo, mentres que a radiación que emite a superficie terrestre faino en sentido inverso, de abaixo arriba.