radón

Gas nobre, de natureza radioactiva, presente na atmosfera en pequenas concentracións, cuxa maior abundancia se dá nas proximidades do chan, en zonas onde hai materiais rochosos, como o granito, que o liberan ao aire como consecuencia da desintegración do radio, un elemento de elevada radioactividade. O radón é un gas incolor e inodoro, cuxa masa atómica é 222 e cuxo símbolo químico é Rn. É responsable de parte da ionización do aire que ten lugar xunto ao chan, como consecuencia da emisión de partículas alfa (moi enerxéticas) procedentes da súa desintegración.