fronte polar

Liña imaxinaria onde converxen e interactúan as masas de aire polar e as de orixe tropical. Marca a zona de encontro dos anticiclóns subtropicais e os desaloxamentos de aire frío dos anticiclóns polares. Localízase cara aos 50-55º de latitude no verán e aos 35-40º no inverno, en ambos os dous hemisferios. Presenta grandes ondulacións, arredor das cales se orixinan as borrascas frontais responsables do tempo cambiante que caracteriza as latitudes medias. Por riba dela discorre a corrente en chorro polar.