fusión

Cambio de estado da materia, de fase sólida a líquida. A fusión do xeo é un dos procesos máis comúns na atmosfera. Prodúcese tanto nalgúns hidrometeoros ao precipitar (neve, saraiva…) como no interior das nubes ou nas masas de xeo, en contacto co aire, situadas na superficie terrestre (glaciares, banquisa, mantos de xeo ou neve…). Por cada gramo de xeo que se funde, absórbense do aire da orde de 80 calorías. É o que se coñece como a calor latente de fusión.