Ветроказ
Уред што ја покажува или ја бележи насоката од која дува ветерот. Составен е од метален дел, обично во облик на стрела, кој слободно се врти околу вертикална оска. Ветроказите што се користат во метеоролошките опсерватории се поставуваат на хоризонтален крак прикачен на столбот на анемометарот. Врвот на стрелата има противтежа и во секое време покажува кон местото од кое дува ветерот. На спротивниот крај има вертикална рамна плоча, на чии две страни ветерот удира наизменично, предизвикувајќи вртење на ветроказот. Благодарение на електронски уред, тоа движење се бележи и така се располага со податоци за променливата насока на ветерот. Кај традиционалните ветроказ, и задното перце и остатокот од уредот имаат украсни мотиви. Вертикалната потпора околу која се врти ветроказот има прикачени четири метални прачки, насочени кон четирите страни на светот, со почетните букви од нив, што овозможува да се изврши набљудувањето, кое во овој случај е чисто визуелно. Постои тип на ветроказ (ветроказ wild ) кој, освен што ја покажува насоката на ветерот, овозможува да се процени и неговиот интензитет, благодарение на навалена метална плоча што се лула како клатно, издигнувајќи се повеќе или помалку во зависност од ветерот.