espectrofotómetro

Instrumento científico que, tal e como se deduce do seu nome, consta dun espectrómetro e dun fotómetro. Mentres que o primeiro dos dispositivos permite dispersar e transmitir a luz nun determinado rango de lonxitudes de onda, o fotómetro é capaz de medir a intensidade do feixe luminoso resultante, grazas a un detector fotoeléctrico. En Meteoroloxía, o principal uso deste aparello é a medida do ozono na atmosfera, tanto da súa cantidade total como da súa distribución nunha columna atmosférica. Existen espectrómetros Dobson e Brewer; as medidas que levan a cabo estes últimos -algo máis de 200 aparellos en todo o mundo- tómanse como referencia (patrón), segundo dita a Organización Meteorolóxica Mundial.