proxy

Indicadores climáticos indirectos, obtidos a partir de rexistros xeolóxicos e biolóxicos, así como procedentes de fontes documentais, dos que se pode extraer información de interese para o estudo dos climas do pasado. Grazas a eles, é posible reconstruír o comportamento climático de períodos moi antigos da historia, dos que non se dispón de observacións meteorolóxicas instrumentais. A súa procedencia é moi diversa, tanto de sedimentos e solos, como de mostras de xeo, aneis de crecemento das árbores, pólenes fósiles, corais e documentos de todo tipo, como actas capitulares, rexistros eclesiásticos ou cadernos de bitácora.