prognóstico (meteorolóxico)

Xuízo emitido por un preditor sobre a evolución futura da atmosfera, normalmente apoiado en distintos modelos numéricos de predición e observacións meteorolóxicas de diversos tipos (datos de estacións, radiosondaxes, satélite, radar…). Aínda que é común considerar sinónimos ao prognóstico e á predición, en Meteoroloxía non son estritamente o mesmo, xa que esta última non require da intervención humana para a súa elaboración (deixando á marxe o desenvolvemento da modelización e as tarefas que leva consigo a execución dos modelos), cousa que si ocorre co prognóstico.