Servizo Meteorolóxico Nacional

Nome xenérico que recibe a institución ou organismo público de cada Estado membro da Organización Meteorolóxica Mundial (OMM), encargada/o de desenvolver todas as actividades ditadas polos programas da OMM, prestando ao Estado do que depende un conxunto de servizos ligados ao tempo e ao clima. É común referirse a el pola sigla SMN. Nalgúns países, as súas competencias inclúen a hidroloxía, en cuxo caso o referido organismo pasa a ser considerado un Servizo Hidrometeorolóxico Nacional (SHMN). Entre as moitas funcións que leva a cabo un SMN, destacan a observación meteorolóxica, a recompilación de datos, os estudos climatolóxicos, a elaboración de distintos produtos de predición e a vixilancia meteorolóxica. O principal obxectivo que persegue é contribuír á seguridade das persoas e bens no territorio da súa competencia, mediante a emisión de avisos ante eventuais fenómenos (hidro)meteorolóxicos adversos.