Zerbitzu Meteorologiko Nazionala

Munduko Meteorologia Erakundeko (MME) Estatu kide bakoitzeko erakunde edo organismo publikoak jasotzen duen izen generikoa da, MMEren programek agindutako jarduera guztiak garatzeaz arduratzen dena, bere mende dagoen Estatuari eguraldiari eta klimari lotutako zerbitzu multzo bat eskainiz. Ohikoa da ZMN sigla erabiliz aipatzea. Zenbait herrialdetan, haren eskumenen artean hidrologia ere sartzen da, eta kasu horretan aipatutako organismoa Zerbitzu Hidrometeorologiko Nazionala (ZHMN) izatera pasatzen da. ZMN batek burutzen dituen zeregin ugarien artean, honako hauek nabarmentzen dira: behaketa meteorologikoa, datuen bilketa, azterketa klimatologikoak, hainbat predikzio-produktu prestatzea eta zaintza meteorologikoa. Bere helburu nagusia da bere eskumeneko lurraldeko pertsonen eta ondasunen segurtasunari laguntzea, aurkakotasunezko fenomeno (hidro)meteorologikoen aurrean abisuak igorriz.