hektopaskal (hPa)

100 paskali dagokien presio-unitatea da. Paskala (Pa) Nazioarteko Sisteman (NS) presiorako unitatea da. Paskal bat newton baten (1 N) indarrak metro koadro bateko (1 m²) gainazal batean egiten duen presioaren berdina da (1 Pa = 1 N/m² ). Unitate-sistema horretan, presio atmosferikoa hektopaskaletan adierazten da. Hektopaskal bat (1 hPa) milibar batekiko (1 mb) baliokidea da. Meteorologian, tradizionalki presioa milibaretan adierazten zen, baina NSren progresiboa hartzeak unitate hori erabilera galtzera eraman du, eta hektopaskala nagusitu da.