izotz beltza

Landaretzan ondorio suntsigarriak dituen izotza da, aire-masa oso hotz eta lehorren irruzioak eragindakoa. Izotz zuriaren aldean, ez da izotz-kristalen eraketaren bidez agertzen landare-estalkiaren gainean, hark inguruko hotz bizitik babesten duen oskol bat eratzen baitu. Izotz lehorra da, landareen barneko izoztea eragiten duena. Bere izena hostoek eta zurtoinek hartzen duten kolore beltzaxkatik dator, izotzak eragindako erredurek sortua. Iberiar penintsulan, izotz hauek kontinenteko aire polar kontinentalaren sarrera hotzekin lotuta daude, Europako kontinentearen barnealdea zeharkatu ondoren ipar-ekialdetik iristen direnak.