ພະຍຸທໍນາໂດເທິງນ້ຳ
ທໍນາໂດທີ່ເກີດຂຶ້ນເທິງແຫຼ່ງນ້ຳຂະໜາດໃຫຍ່ ພັດທະນາທັງໝົດເທິງນ້ຳ ຫຼື ບາງສ່ວນເທິງແຜ່ນດິນ ເຖິງແມ່ນມັນມັກສະຫຼາຍໄປເມື່ອຂຶ້ນຝັ່ງ. ຜູ້ຂຽນບາງຄົນແບ່ງແຍກລະຫວ່າງພະຍຸທໍນາໂດເທິງນ້ຳແບບທໍນາດິກ ແລະ ບໍ່ແມ່ນທໍນາດິກ ຂຶ້ນຢູ່ກັບວ່າຖັນນ້ຳທີ່ໝຸນ ເຊິ່ງກ່ຽວຂ້ອງກັບກະແສວຽນຂອງອາກາດ ຫ້ອຍລົງມາຈາກເມກພາຍຸຫຼືບໍ່. ສ່ວນຫຼາຍແລ້ວ ພະຍຸທໍນາໂດເທິງນ້ຳມັກອ່ອນກວ່າທໍນາໂດເທິງບົກ ແລະ ຫ້ອຍລົງຈາກເມກຮູບກອງ ບໍ່ແມ່ນເມກຄິວມູໂລນິມບັສ (ເມກພາຍຸຟ້າຮ້ອງ) ສະເໝີໄປ. ຍັງເກີດຂຶ້ນຄ່ອນຂ້າງເລື້ອຍໆທີ່ຫຼາຍໆອັນເກີດເປັນແຖວ. ສ່ວນເທິງຂອງພະຍຸທໍນາໂດເທິງນ້ຳ ທີ່ເຊື່ອມຕໍ່ກັບຖານຂອງເມກທີ່ມັນຫ້ອຍຢູ່ ມີຮູບຮ່າງເປັນຮູບກວຍຄວ່ຳ (ເມກຮູບກວຍ, funnel cloud) ແລະ ເຊື່ອມຕໍ່ກັບໜ້າທະເລຜ່ານຖັນເມກແຄບໆ ທີ່ມັກບິດເບືອນ. ສ່ວນລຸ່ມຂອງຖັນນັ້ນຖືກລ້ອມຮອບດ້ວຍຊຸດຂອງຢອດນ້ຳ ແລະ ຢອດນ້ອຍທີ່ລອຍຢູ່ ເຊິ່ງມີການເຄື່ອນໄຫວຢ່າງກະທັນຫັນ (spray sleeve/spray vortex) ທີ່ຖືກດູດຂຶ້ນຈາກໜ້າທະເລດ້ວຍແຮງດູດອັນຮຸນແຮງຂອງພະຍຸທໍນາໂດເທິງນ້ຳ ສູງຂຶ້ນເຖິງຫຼາຍສິບແມັດ (ເກີນ 100 ມ ໃນບາງກໍລະນີ).