haboob

Nome que ten a súa orixe etimolóxica na palabra árabe habb (vento) co que se identifica unha forte tempestade de po, na súa parte dianteira formándose un murallón de sedimentos levantados do terreo, como consecuencia dun brusco esboroamento de aire contra o chan. Aínda que o termo é orixinario de Sudán e Sudán do Sur, o seu uso estendeuse por todas as rexións secas do mundo onde ten lugar este violento fenómeno. A parede de po pode chegar a acadar os 100 km de anchura e varios quilómetros de altura e desprazarse a velocidades comprendidas entre os 35 e os 100 km/h.