Modelo de Circulación Xeral

Modelo numérico de predición que ofrece representacións do estado futuro da atmosfera no seu conxunto. Estes modelos globais utilízanse tanto para elaborar predicións meteorolóxicas como climáticas. As ecuacións matemáticas que integran describen tanto a dinámica atmosférica como a fotoquímica e os distintos procesos termodinámicos que teñen lugar na atmosfera. O meteorólogo noruegués Vilhem Bjerknes (1862-1951) foi o primeiro que propuxo aplicar as leis da dinámica de fluídos e a termodinámica para estudar a atmosfera, o que abriu o camiño á predición numérica do tempo e ao desenvolvemento destes modelos matemáticos, coñecidos de forma abreviada como MCG. Para coñecer cal é o seu modus operandi, véxase modelo numérico de predición.