temperaturas extremas

Parella de valores de temperatura correspondentes ao valor máis alto e máis baixo de todos os rexistrados durante un período de tempo dado. A temperatura máxima e a mínima acadadas cada día constitúen as extremas diarias, e como tales quedan rexistradas nos cadernos dos observatorios meteorolóxicos. Habitualmente, a máxima acádase algo despois do mediodía solar, mentres que a mínima adoita rexistrarse pouco despois do amencer. Aínda que o ciclo día-noite é o que marca a pauta do comportamento térmico diario dun lugar, de forma ocasional pódense acadar os valores extremos en momentos do día distintos aos habituais. Devandita circunstancia ocorre, ás veces, cando irrompen bruscamente masas de aire moi frío ou extremadamente cálido, o que desvirtúa os ditados que marca o factor solar.