EFI

Acrónimo de Extreme Forecast Index (Índice de Predición Extrema). É un dos produtos que elabora o ECMWF e mide a diferenza entre a distribución estatística da predición por conxuntos (EPS) e a da climatoloxía do modelo. O EFI pode tomar valores entre –1 e +1, de xeito que canto máis alto sexa, máis inusual será o parámetro prognosticado. Neste sentido, podemos considerar o EFI como un «índice de rareza». A súa utilidade reside en que permite cuantificar o grao de excepcionalidade que pode chegar a ter un determinado episodio meteorolóxico.