Euro

Nome que na mitoloxía grega recibía o deus-vento do leste. Os autores clásicos refírense a el, indistintamente, como Euro ( eurus ) ou Euros. Dependendo da rosa dos ventos da Antigüidade que se considere, varía o sector de direccións de procedencia asociado a el, desde o nordeste (NE) ata o sueste (SE). Na Torre dos Ventos de Atenas aparece representado na fachada orientada ao sueste (vulturnus) , mentres que Apeliotes ocupa a fachada leste. Euro é un dos catro ventos principais mencionados por Homero, e correspóndese cos rumbos comprendidos entre o ENE e o ESE.