urakana

Zikloi tropikalari ohikoki ematen zaion izena. Meteorologia-terminologia ofizialean, izen hori Atlantiko Iparraldean, Mexikoko golkoan eta Ipar Pazifikoaren ekialdeko zatian sortzen diren nukleo beroko zikloi tropikalei bakarrik ematen zaie. Saffir-Simpson eskalan, izen generiko hori jasotzen du zikloi tropikalak beren intentsitatearen arabera sailkatzen dituzten bost kategorietako bakoitzak. Guztietan baxuenean -1. kategoria-, haize jarraituek 119 km/h-ko gutxieneko abiadura hartzen dute, eta horrek ezartzen du zikloi tropikal bat urakan bihurtzen den atalasea. Haize urakan-izaerakoa dela zehatz-mehatz esan ahal izateko, atalase hori berdindu edo gainditu behar du. Urakanen denboraldi ofiziala urtero ekainaren 1ean hasten da eta azaroaren 30ean amaitzen.