रोटर बादल
वायुयान सम्बन्धी शब्दावलीमा रोटर भनिने अशान्त कोष्ठ वा बेलनाकार संरचनासँग सम्बन्धित बादल, जुन पहाडी अवरोधको हावा नलाग्ने (लिवार्ड) पट्टि, पर्वतीय तरङ्गको शिखरमुनि बन्छ। पृथ्वीको सतहको नजिक त्यस तल्लो तहमा हावाको तापक्रम र चिस्यानको मात्रा अनुसार रोटर बादल देखा पर्न पनि सक्छ नपर्न पनि सक्छ। बन्ने अवस्थामा, यो देख्दा हानिरहित जस्तो सानो फ्र्याक्टस क्युमुलसदेखि धम्कीपूर्ण देखिने ठूलो रोल बादलसम्म हुन सक्छ। सबैभन्दा खतरनाक रोटर, जहाँ अशान्ति सबैभन्दा तीव्र हुन्छ, लिवार्ड पट्टि पर्वत रेखाबाट करिब 10-15 किलोमिटर टाढा तरङ्गको पहिलो शिखरमुनि उत्पन्न हुने रोटर हो। यो उडानका लागि अत्यन्त खतरनाक क्षेत्र हो, जसलाई पाइलटहरूले टार्नुपर्छ।