remuíño

Nun fluído turbulento, cada unha das unidades ou elementos que evolucionan no seu seo e que, a pesar de describir un movemento errático, manteñen certa identidade propia durante algún tempo. Cada remuíño coexiste e interacciona cos que vai atopando no seu camiño, de tamaños moi diversos. Na atmosfera, temos desde remuíños de apenas uns poucos centímetros (principais responsables da mestura vertical de aire na atmosfera) ata centos de quilómetros, que xogan un importante papel na dinámica atmosférica a escala rexional e planetaria. Os remuíños turbulentos tamén se coñecen como eddies .