tempo (atmosférico)

Estado da atmosfera nun momento dado. Aínda que vén caracterizado por un conxunto de magnitudes físicas (presión, temperatura, humidade…) que medimos con precisión, e un conxunto de fenómenos perfectamente clasificados, a nosa percepción del é subxectiva, o que leva a cualificar como «bo tempo» ao soleado, de ceos azuis, e «mal tempo» ao choivoso. É algo que está moi arraigado entre a poboación. No contexto en que estamos, a palabra refírese implicitamente ao tempo atmosférico ou meteorolóxico; aínda que, de forma explícita, podemos referirnos a el como temperie, en contraposición á outra acepción que pode tomar o termo (tempo cronolóxico).