sumidoiro

Nun contexto de cambio climático, é todo aquel proceso, actividade ou mecanismo -tanto natural como artificial- que subtrae da atmosfera un gas de efecto invernadoiro, un aerosol ou un precursor de calquera de ambos, reducindo a súa concentración no aire. A raíz do Protocolo de Kioto -asinado o 11 de decembro de 1997 e en vigor desde o 16 de febreiro de 2005-, comezouse a falar cada vez máis dos sumidoiros de carbono (ou de CO₂ ), tanto dos naturais (océanos e bosques novos) como dos que propón a xeoenxeñaría.