mesosfera

Capa da atmosfera situada entre a estratosfera e a termosfera, que abrangue, aproximadamente desde os 50 ata os 80 quilómetros de altitude. Nela, a temperatura vai diminuíndo ao ascender, acadando un valor da orde de –80 ºC na súa parte superior (mesopausa). Na mesosfera o aire está moi enrarecido. Contén unicamente o 0,1 % da masa total da atmosfera. Ademais, na súa parte superior as moléculas gasosas comezan a estar disociadas en ións, o que dá orixe á rexión atmosférica coñecida como ionosfera.