Dryas Berria

Nazioartean izen horrekin ezagutzen den aldaketa klimatiko bortitza da, orain dela 12.900 eta 11.700 urte artean gertatu zena (1950etik zenbatuta, hitzarmenez), azken glaziazioa atzera egiten ari zenean. Gertaera honek bat-bateko itzulera ekarri zuen (hamarkada gutxi batzuetan) glaziazio-baldintzetara ipar-hemisferioko eremu handi batean, erregistro paleoklimatikoen arabera. Bere izena tundra alpetarreko lore batetik hartzen du ( Dryas octopetala ), izan ere, maiz aurkitzen dira haren hostoen aztarnak sedimentu glaziar berantiarretan.