klimograma

Behatoki edo estazio meteorologiko bati dagozkion tenperaturaren eta prezipitazioaren hilabeteko batez besteko balioak irudikatzen dituen grafikoa da. Abszisa-ardatzaz gain -horizontala-, non urteko hilabeteak agertzen diren, bi ordenatu-ardatz ditu: ezkerrekoak tenperatura-eskala, eta eskuinekoak prezipitazio-eskala. Klimogramak, aldi berean, tenperaturaren urteko jokabidearen kurba eta hilabeteko batez besteko prezipitazioaren histograma erakusten ditu. Beste izen baliokide batzuk ere baditu, hala nola climagrama, climatograma, ombrograma, diagrama ombrotermikoa edo diagrama klimatikoa.