odol-euria

Lokatz-euria izendatzeko ere erabiltzen den izena da, normalean duen kolore gorrixkagatik, burdin-oxidoz aberatsak diren kolore horretako hauts-partikulak dituelako. Euri odoltsu mota hau nahiko ohikoa da Mediterraneoko kostaldeko herrialdeetan, Sahara basamortutik hurbil daudelako; hori baita hauts-material horren iturri nagusia. Antzina, gure arbasoek benetan zerutik odola zerizkiola pentsatzera iritsi ziren, eta hori zorigaitzen jainkozko seinaletzat hartzen zuten. Munduko hainbat tokitan, dokumentatuta daude euri gorriak, zeinen kolorea ez den basamortuko hondarrarengatik, baizik eta kolore hori duen pigmentu bat askatzen duten mikroalga jakin batzuengatik. Haien esporak airera gehitzen dira eta distantzia handiak egiten dituzte, eta zenbaitetan hodei batzuetako euri-tantetako ura kolore horretaz tindatzeko behar den dentsitatera iristen dira. Odol-euri mota hau euri bitxien kategorian hobeto sartzen da.